सॅम्युएल बॅकेट434 %uрot#b Ggu12ioa%Dc
सॅम्युएल बॅकेट सॅम्युएल बॅकेट नामनेचो आयर्लंडी कादंबरीकार आनी नाटककार. एका प्रॉटेस्टंट घराब्यांत ताचो जल्म जालो. डब्लिन ट्रिनिटी कॉलेजांत फ्रेंच आनी इटालिन भाशांचो ताणें अभ्यास केलो. 1927त ताणें बी. ए. ची पदवी मेळयली. 1928त पॅरिसांतल्या एकॉल नॉर्माल सुपेरिअर हे शिक्षण संस्थेंत इंग्लिशीचो प्रपाठक म्हणून ताची नेमणूक जाली. पॅरिसांत आसतना संवसारीक नामनेचो कादंबरीकार जेम्स जॉयस हाचेकडेन ताची वळख जाली. 1930त तो अयर्लांडाक आयलो. थंयच ट्रिनिटी कॉलेजांत फ्रेंचीचो अधिव्याख्यातो म्हणून काम करूंक लागसो. फुडें डिसेंबर 1931त हे नोकरेचो राजिनामो दिवन ताणें इंग्लंड, फ्रांस, जर्मन, इटली ह्या देशांची भोंवडी केली. 1937त तो परत पॅरीसाक आयलो आनी थंयच स्थायीक जालो. ताणें आपलें चडशें लिखाण फ्रें च आनी इंग्लीश भाशांतल्यान केलें. सुरवेच्या काळांत ताणे होरोस्कोप (1930, फ्रेंच तत्वगिन्यानी रॅन देफार्त हांचेवयलें दीर्घकाव्य) एकोज बोन्स अँण्ड अदर प्रिसिपिटेट्स (1935, कवितांझेलो), प्रूस्त (1931, व्हड फ्रेंच कादंबरीकार मार्सेल प्रूस्त हाच्या साहित्याचेर बरयल्लो समिक्षात्म निबंद), मोर प्रिक्स दॅन किक्स (1934 कथां झेलो) आदी लिखाण केलें. उपरांत ताणें कादंबरी आनी नाटक हे साहित्य प्रकार हाताळ्ळे. मर्फी (1938) वॉट (1953) मॉलॉय (1951) ह्यो ताच्यो उल्लेख करपासाक्यो कादंबर्यो. हातूंतले र्मोलॉय हे मूळ फ्रेंच कादंबराचो ताणें आपल्या प्रँट्रिक बोल्स ह्या वांगड्याच्या आदारान इंग्लीश अणकार केलो(1955). कशेंच मर्फि हे मूळ इंग्लीश कादंबरीचो फ्रेंच अणकार ताणें आल्फ्रेद पेरॉन हाच्या अदारान कालो. पूण ताका संवसारीक नामना मेळ्ळी ती ताच्या आंनातांदां गोदो (1952) हे नाट्यकृतीक लागून. हे मूळ फ्रेंच नाट्यकृतीचो इंग्लीश अणकार ताणें वेटिंग फॉर गोदो (1954) ह्या नांवान केला. 5 जानेवारी 1953 ह्या दिसा हें नाटर पॅरीसाचे रंगमाचयेर सादर केल्लें. 1969 वर्सा ताचे हे नाट्यकतीक सागित्यचो नोबॅल पुरस्कार फावो जालो.
सर रामकृष्ण गोपाळ भांडारकर रामकृष्ण भांडारकर हांचो जल्म दि.6 जुलै 1837 ह्या दिसा मालवणा जालो. मालवण, राजापूर आनी रत्नागिरी हांगा मुळावे शिक्षण घेतल्याउपरांत तांचे फुडलें शिक्षण मुंबयच्या एल्फिस्टन इन्स्टिट्यूट हांगासल्ल्यान जालें. 1854 या वर्सा कॅलेजचो अभ्यासक्रम पुराय केलो. मुंबय विद्यापीठांतल्या बी.ए आनी एम. ए पास जाले. मुंबय आनी पुणे हांगासल्ल्या जुन्या बुदवंतांलागी ताणा न्याय, व्याकरण, वेदान्त, हांचो बरो अभ्यास केलो. भांडारकर हे नामनेचे प्राच्यविद्यासंशोधक,संस्कृतचे प्रकांड पंडित, भाशाशास्त्रज्ञ, प्राचीन इतिहासाचे संशोधक आनी धर्मसुधारक तथा समाजसुधारक. तांचे मूळ आडनाव पत्की. पूण तांचे पूर्वज खजिन्याचेर अधिकारी म्हूण आशिल्ल्या कारणान तांचे आडनाव ‘भांडारकर’ पडलें. हैदराबाद आनी रत्नागिरी हांगासल्ल्या हांगासल्ल्या हायस्कूलाचे मुख्याध्यापक म्हूण ताणी काम केलां. संस्कृतची दोन शालेय पाठ्यपुस्तकां ताणी तयार केली. हाकालागून हजरानी भुरग्यांक संस्कृत शिकोंक मेळ्ळें. भांडारकर हाणी संस्कृत शिकपाक लागून संशोधनान मोलादिक वाटो उखल्लो 1874 या वर्सा लंडन हांगा भरिल्ल्या आंतरराष्ट्रीय प्राच्याविद्या परिषदेंत नाशिक शिलालेखवयलो तांचो निबंध वाचलो. 1885 या वर्सा जर्मनींतल्या गटिंगन विद्यापीठान तांका पीएच. डी फावा केली. 1904 या वर्सा एल. एल. डी. ही पदवी तांका मेळ्ळी.’रोयल एशियाटिक सोसायटी’ लंडन आनी मुंबय, ‘ जर्मन ओरियेंटल सोसायटी’, ‘अमेरिकन ओरियेंटल सोसायटी’, इटली हांगासल्ल्या ‘एशियाटिक सोसायटी’, सेंट पीटर्झहबर्ग हांगासल्ल्या ‘इंपिरियल अकॅडमी आफ सायन्स’ अशा तरेच्या जगभर नामणाय मेळयल्ल्या जायत्या संस्थांनी भांडारकर हांका सदस्यत्व दिलें
J4:#2т&# Ssо7 T%DTp Ee0р MeD0b GEw Дер1237 Zr t x
