Articulu in nugoresu
Su Welsh Not fit unu casticu chi praticaban in calicuna iscola gallesa in sos seculos de XIX e de XX a sos pitzinnos chi sos mastros intendian faveddande in gallesu. Cunsistìat in su pònner a tucru de su pitzinnu una pracca de linna chin s'iscritta "WN", chi si podiat bocare e dare a un'atteru si su mastru lu cassabat faveddande in gallesu. A s'acabbu de dìe, su mastru iscudìat su pitzinnu chi teniat custa pracca a tucru.
S'iscopu fit cussu de facher abbirgonzare sos pitzinnos chi faveddaban in sa limba issoro e dissuadire a tottus de chistionare su gallesu, in accordu chin sa politica limbistica de tando de sa Gran Bretagna, chi cherìat promògher s'inglesu in locu de sas limbas de su locu, a cumintzare dae s'iscola.
Custa bidèa de natzionalismu chi at fattu zenotzìdios limbisticos in lùmen de "unìre sa natzione", no est propria de sa Gran Bretagna ebbìa ma fìntzas de atteros istados europeos, comente s'Italia in Sardigna dae s'epoca fascista in susu o sa Frantza a cumintzare dae sa figura de s'abate Gregoriu, chi dìat praticare su sistema de sa "vergohna" chin casticos chi si assimizan meda a cussu de su Welsh Not.
l.o plzz70erimet edieeCcla ntazlRPorpgsg |a 1e:pmesnng
