Ahfpqyg

Coordinatas: 39°52′N 46°43′E / 39.866667°N 46.716667°E39.866667; 46.716667

Su Nagorno-Karabakh, inditadu cun colore de aràngiu in sa mapa

Bandera de su Nagorno-Karabakh

Su Nagorno-Karabakh, uffitzialmente Repùblica de Nagorno-Karabakh (in armenu: Լեռնային Ղարաբաղի Հանրապետություն Lernayin Gharabaghi Hanrapetut'yun), o Repùblica d'Artsakh est una repùblica autoproclamada·si indipendente de s'Azerbaigian, chi s'agatat in su Càucasu meridionale. Sa capitale est Step'anakert, sa limba uffitziale s'armenu.

Is làcanas chi oe tenet sunt istados definidos a s'acabu de su cunflitu chi fiat incomintzadu in su mese de ghennàrgiu 1992 e agabadu in su 1994, a cusseguèntzia de sa proclamatzione de indipendèntzia.

Unos cantos territòrios in su norti-estu (sa regione de Šahowmyan e is làcanas orientales de is regiones de Martowni e Martakert) s'agatant a suta de su cuntrollu de s'Azerbaigian, mancari pretesos de s'Armènia a partes de su territòriu suo.

Su Nagorno-Karabakh est una zona prus de totu montosa e rica de padentes, chi tenet istèrrida de 11.458,38 km² e populatzione de 143.000 bividores, de etnia armena e cun minorias curdas e russas.

Allàcanat in s'uestu cun s'Armènia, in su norti e estu cun s'Azerbaigian e in su sud cun s'Iran.

Sa majoria de sa regione est guvernada de sa repùblica de Nagorno-Karabakh, istadu de facto indipendente ma non reconnòschidu, chi benit a èssere su chi cabudianamente fiat unu Oblast autònomu a intro de sa Repùblica Sotzialista Soviètica de Azerbaigian a su tempus de s'Unione Soviètica.

Sa gherra chi pertocat su territòriu non at galu agatadu determinu, mancari is làcanas originales sovièticas sunt internatzionalmente reconnòschidas.

De sa fine de is cumbatimentos, in su 1994, rapresentantes de is guvernos armenu e azeros sunt in tratativas de paghe subra su status de sa regione.

Sa decraratzione de indipendèntzia, chi torrat a coa a su 2 de cabudanne 1991, no at mai agatadu reconnòschimentu internatzionale de perunu istadu rapresentadu in s'ONU.

Àteros progetos[modìfica | modìfica su còdighe de orìgine]

Wikimedia Commons tenet files chi ligant a: Category:Nagorno-Karabakh