Fargo (film)k Lb Nd Eu el6u eT9Alf Ss c MQYyCc 34le B N9z
Miranduléś|
C'l artìcul chè 'l è scrit in
Miranduléś |
 Fargo
| ||
 La Frances McDormand in na figùra dal film | ||
| id. 1996 | ||
|---|---|---|
| Regia: Joel Coen | ||
| Scritùr: Joel Coen • Ethan Coen | ||
| Atùr: Frances McDormand • William H. Macy Steve Buscemi • Peter Stormare • Kristin Rudrüd Harve Presnell • Tony Denman • Gary Houston Sally Wingert • Kurt Schweickhardt • Bruce Bohne | ||
| Müsica: Carter Burwell | ||
| Lengua: Ingléś | ||
| Dürä dal film: 98 minüt | ||
| Nasiòṅ: Stat Unî • Régn Unî | ||
Fargo (id.) 'l è 'n film dramàtic dal 1996 di fradèi Coen. 'L è stâ preśentâ a 'l 49śum Fèstival ad Cannes in dua 'l à vins al prèmi par la regìa, inóltar 'l à purtâ a cà anc dū Prèmi Òscar par la senegiadùra minga uriginàla e par l'atōra prutagunìsta, la Frances McDormand. In dal 2006 'l è anc stâ sarnî p'r èsar tgnû dacàt in dla National Film Registry dla bibliutéca dal Cungrès di Stat Unî.
La pelìcula l'è custàda sèt migliòṅ ad dòlar ma pò la 'n à muciâ sù da piò ad ssanta.
Sunt
In d'l Invéran dal 1987 in Minneśòta, al vendidōr ad màchini Jerry Lundegaard (William H. Macy) al decìd ad far finta che sò mujér Jean (Kristin Rudrüd) la sia stada rapìda par far in manéra ad tiràr i bèsi dal riscàt da sò nón Wade (Harve Presnell) da 'l mumènt ch'l è in buléta sparàda a 'l cuntràri ad c'l àtar. Tgénd adrē a 'n cunsìli dal mecànic Shep Proudfoot (Steve Reevis), òṅ ch'in pasâ al gh'iva abû di prubléma cun la léǵ, Jerry al và a pascàr dū laśaròṅ in un bar ad Fargo, in dal Dakòta dal Nòrd, Gaear Grimsrud (Peter Stormare) e Carl Showalter (Steve Buscemi), e al gh prumét mità dal riscàt se lōr i al jutaràṅ in dal trapèl.
Quànd però chi lōr dū i rapìsan dabòṅ la Jean, al pàd'r ad sò mujér al vōl catàr n'atra sulusiòṅ ad qvéla ad pagàr al riscàt subìt e al n è mia tant d'l avìś ad dar-'g i bèsi acsè in sl'ùngia, cun Jerry ch'al fà da tut p'r a n ciamàr minga al fòrsi d'l órdan. Durànt al viàś in furgòṅ di rapidōr però a sucéd 'n imprevìst: la pulisìa la i férma lung la via e Gaear al cópa 'n agînt e anc dū testimòni. L'investigadōra Marge Gunderson (Frances McDormand), anc s'la gh'à 'd avér fiōl esénd a 'l sètim méś, la tōś in maṅ al caś.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV
- (IT) La schéda dal film in sal sit dla Cunferénsa Episcupàla
